gecəsi – Tacikistan Gazetesi https://tacikistangazetesi.com Wed, 05 Jun 2024 10:36:10 +0000 tr hourly 1 https://tacikistangazetesi.com/wp-content/uploads/2025/03/cropped-tacikistan-gazetesi-logo-32x32.webp gecəsi – Tacikistan Gazetesi https://tacikistangazetesi.com 32 32 Tanınmış azərbaycanlı xoreoqraf Mais Nuriyevin İtaliyada möhtəşəm yaradıcılıq gecəsi keçirilib https://tacikistangazetesi.com/taninmis-az%c9%99rbaycanli-xoreoqraf-mais-nuriyevin-italiyada-moht%c9%99s%c9%99m-yaradiciliq-gec%c9%99si-kecirilib-h57927.html Wed, 05 Jun 2024 10:36:10 +0000 https://1453kralmedya.com/taninmis-az%c9%99rbaycanli-xoreoqraf-mais-nuriyevin-italiyada-moht%c9%99s%c9%99m-yaradiciliq-gec%c9%99si-kecirilib-h57927.html

Tanınmış azərbaycanlı xoreoqraf Mais Nuriyevin İtaliyada möhtəşəm yaradıcılıq gecəsi keçirilib

2024

Tanınmış azərbaycanlı xoreoqraf Mais Nuriyevin İtaliyada möhtəşəm yaradıcılıq gecəsi keçirilib

 

 

 

İtaliyada fəaliyyət göstərən “Azəri” Azərbaycan Mədəniyyət Assosiasiyasının sədri, xoreoqraf, Milanda “Aida ” və “Orizon” Rəqs Akademiyasının və Milan Konservatoriyasının professoru Mais Nuriyevin yaradıcılığına həsr olunmuş tədbir keçirilib. “Cinema Teatro Manzoni”də keçirilən gecədə Busto-Qarolfonun meri Sindako Suzanna Biondi, Diasporla İş üzrə Dövlət Komitəsinin əməkdaşları, Azərbaycan icmasının üzvləri, yerli ictimaiyyətin nümayəndələri, tanınmış teatr xadimləri iştirak ediblər.

Yüzlərlə insanın qatıldığı tədbir çərçivəsində Mais Nuriyevin İtalyan tələbələrindən ibarət rəqs qrupunun Azərbaycan musiqilərini ifa etmələri böyük maraq və sevinc hissi ilə qarşılanıb. Xoreoqrafın müxtəlif xarici ölkələrdə yaşayan tələbələri noyabr ayından etibarən ustadlarının yaradıcılıq gecəsinə hazırlaşıblar.

Busto-Qarolfonun meri Sindako Suzanna Biondi çıxış edərək tədbir iştirakçılarını salamlayıb və məşhur xoreoqraf Mais Nuriyevə öz ürək sözlərini çatdırıb. Milanın məşhur opera teatrının keçmiş bədii rəhbəri Cüzeppe Karboni də diaspor fəalımız Mais Nuriyevi təbrik edərək, öz xoş arzularını bildirib.

Mais Nuriyevə həsr olunmuş “Azərbaycan! Qardaşım, Sağ ol!” əsərini müəllifin özü – Milan konservatoriyasının keçmiş professoru, tanınmış musiqiçi David Qualtierinin ifa etməsini tamaşaçılar böyük maraq və alqışlarla qarşılayıblar. Daha sonra Mais Nuriyevin yaradıcılığına həsr olunmuş film göstərilib.

Qeyd edək ki, Mais Nuriyevin uzun illərlə yetişdirdiyi rəqqaslar məhz onun yaradıcılıq gecəsində iştirak üçün yenidən səhnəyə qayıdıb, müxtəlif rəqsləri ifa ediblər. Bəzi xarici ölkələrdə yaşayan tələbələri isə Mais Nuriyevə video-təbriklərini ünvanlayıblar. Tələbələri sonda Mais Nuriyevi səhnəyə dəvət edib, sürəkli alqışlarla ona öz təbriklərini çatdırıblar.

Tədbirdə bir çox beynəlxalq rəqs müsabiqələrində münsiflər heyətinin və San-Remo müsabiqəsinin münsiflər heyətinin üzvləri də iştirak ediblər.

Yaradıcılıq gecəsində İtaliya ictimaiyyətinin Azərbaycan musiqisinə sonsuz sevgisi daha qabarıq hiss olunub, iki ölkənin sənət adamlarının mədəniyyətin gücü ilə ölkələrimiz arasında dostluq körpüsü qurduğu diqqəti cəlb edib.

Çıxışlarda dəfələrlə beynəlxalq müsabiqələrin münsiflər heyətinə iştirak edən Mais Nuriyevin Avropada Azərbaycan mədəniyyətini uğurla təmsil etməsi, müxtəlif xalqların rəqslərini səhnələşdirməsi barədə danışılıb, onun zəngin yaradıcılıq nümunələri nümayiş olunub. Rəqsin dili ilə danışan xoreoqrafın geniş yaradıcılığı vərəqlənib, beynəlxalq festivallarda İtaliya və Azərbaycanı uğurla təmsil etməsi təqdir olunub. Tamaşaçılar soydaşımızı ayaq üstə alqışlayıblar.

Qeyd edək ki, Azərbaycanın mədəni sərvəti olan xalq rəqsləri sənətinin beynəlxalq aləmdə təbliği, İtaliyada diaspor fəaliyyətinin daha da genişləndirilməsi istiqamətində çox əhəmiyyətli işlər görmüş Mais Nuriyev Azərbaycan Respublikasının Prezidenti İlham Əliyevin Sərəncamı ilə Azərbaycan Respublikasının “Əməkdar artisti” fəxri adına və “Heydər Əliyevin 100 illiyi (1923–2023)” yubiley medalına layiq görülüb, Diasporla İş üzrə Dövlət Komitəsi tərəfindən “Diaspor fəaliyyətində xidmətə görə” medalı ilə təltif olunub. İstedadlı xoreoqraf bu il San-Remo Beynəlxalq Rəqs Müsabiqəsinin münsiflər heyətində də təmsil olunub.

FOTO QALEREYA

 

 

 

 

 

 

 

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/taninmis-azerbaycanli-xoreoqraf-mais-nuriyevin-italiyada-mohtesem-yaradiciliq-gecesi-kecirilib-4785

 

]]> Strasburqda Heydər Əliyevin yubileyinə həsr olunmuş klassik musiqi gecəsi təşkil edilib https://tacikistangazetesi.com/strasburqda-heyd%c9%99r-%c9%99liyevin-yubileyin%c9%99-h%c9%99sr-olunmus-klassik-musiqi-gec%c9%99si-t%c9%99skil-edilib-h45306.html Tue, 16 May 2023 06:05:25 +0000 https://1453kralmedya.com/strasburqda-heyd%c9%99r-%c9%99liyevin-yubileyin%c9%99-h%c9%99sr-olunmus-klassik-musiqi-gec%c9%99si-t%c9%99skil-edilib-h45306.html

 

 

Strasburqda Heydər Əliyevin yubileyinə həsr olunmuş klassik musiqi gecəsi təşkil edilib

2023
Strasburqda Heydər Əliyevin yubileyinə həsr olunmuş klassik musiqi gecəsi təşkil edilib
Fransanın Strasburq şəhərində yerləşən Musiqi və Konqres Sarayında müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə klassik konsert gecəsi keçirilib.

Diasporla İş üzrə Dövlət Komitəsinin dəstəyi və Azərbaycanın Avropa Şurası yanında daimi nümayəndəliyinin təşkilatçılığı ilə baş tutan tədbirdə Avropa Şurasının rəsmiləri, Strasburqdakı diplomatik korpusun, yerli ictimaiyyətin, akademik dairələrin təmsilçiləri və Azərbaycan diasporunun üzvləri iştirak ediblər.

Konsertdən öncə Azərbaycanın Avropa Şurası yanında daimi nümayəndəsi Fəxrəddin İsmayılov və Diasporla İş üzrə Dövlət Komitəsinin sədr müavini Elşad Əliyev çıxış ediblər. Bildirilib ki, unudulmaz şəxsiyyət Heydər Əliyev bütün ömrü boyu xalqına və vətəninə xidmət edib. Xalqımızın taleyüklü anlarında məsuliyyəti üzərinə götürərək Azərbaycanı tərəqqi və inkişaf yoluna çıxarıb, müasir Azərbaycan dövlətinin müstəqilliyinin dönməzliyinin təmin olunması naminə yorulmadan çalışıb. Məhz Heydər Əliyevin rəhbərliyi altında ölkəmizin 2001-ci ildə Avropa Şurasına üzv qəbul olunduğu, üzvlükdən öncə 1997-ci ildə Avropa Şurasının dövlət və hökumət başçılarının II Zirvə Görüşündə müstəqil Azərbaycan dövlətini ulu öndərin təmsil etdiyi yada salınıb. Azərbaycan xalqının öz görkəmli övladının xidmətlərini unutmadığı, xatirəsini ehtiramla yad etdiyi nəzərə çatdırılıb.

 

 

 

Klassik musiqi gecəsində Bakı Kamera Orkestrinin müşayiəti ilə Azərbaycanın xalq artisti, Bakı Musiqi Akademiyasının rektoru Fərhad Bədəlbəyli və xalq artisti Yeganə Axundova çıxış ediblər. Tanınmış musiqiçilərin ifasında Azərbaycan və Avropa bəstəkarlarının əsərlərindən ibarət zəngin musiqi proqramı təqdim olunub. Orkestri dirijor, əməkdar artist Fuad İbrahimov idarə edib.

Alqışlarla qarşılanan konsert proqramı vokalçı Orxan Cəlilovun ifasında Müslüm Maqomayevin məşhur “Azərbaycan” mahnısı ilə yekunlaşıb.

 

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/strasburqda-heyder-eliyevin-yubileyine-hesr-olunmus-klassik-musiqi-gecesi-teskil-edilib-2948

 

 

]]> Budapeştdə poeziya gecəsi təşkil olunub https://tacikistangazetesi.com/budapestd%c9%99-poeziya-gec%c9%99si-t%c9%99skil-olunub-h43003.html Sat, 08 Apr 2023 14:11:16 +0000 https://1453kralmedya.com/budapestd%c9%99-poeziya-gec%c9%99si-t%c9%99skil-olunub-h43003.html

 

 

 

Budapeştdə poeziya gecəsi təşkil olunub
, 2023
Budapeştdə poeziya gecəsi təşkil olunub
Macarıstanın paytaxtı Budapeştdə “İki səs, bir sevgi” mövzusunda poeziya gecəsi keçirilib.

Azərbaycanın Macarıstandakı səfirliyində baş tutan tədbirdə dövlət qurumlarının, yerli ictimaiyyətin, diplomatik korpusun, Azərbaycan diasporunun, kütləvi informasiya vasitələrinin nümayəndələri, Budapeşt şəhərində təhsil alan azərbaycanlı və əcnəbi tələbələr iştirak ediblər.

Tədbir iştirakçılarını salamlyan Azərbaycanın Macarıstandakı səfiri Tahir Tağızadə ölkələrimiz arasında mədəniyyət sahəsində mövcud əməkdaşlığın yüksək səviyyədə olduğunu nəzərə çatdırıb.

 

 

 

Sonra Çexiyada yaşayan şairə və dramaturq, Avropa Azərbaycanlıları Konqresinin İdarə Heyətinin üzvü, Şərqi Avropa Azərbaycanlıları Koordinasiya Şurasının Çexiyadakı əlaqələndiricisi Leyla Bəyim Cəfərova və “YARAT” Müasir İncəsənət Məkanında İctimai Proqramların rəhbəri, şairə və tərcüməçi Ülviyyə Axundova müəllifi olduqları şeirləri səsləndiriblər. Onların çıxışlarını fortepianoda Budapeştdə yaşayan gənc azərbaycanlı pianoçu Sona Ağarzayeva müşayiət edib.

Qeyd edək ki, tədbir UNESCO üzrə Azərbaycan Respublikasının Milli Komissiyasının dəstəyi ilə təşkil olunub.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/budapestde-poeziya-gecesi-teskil-olunub-2737

 

 

]]> Madriddə əsrarəngiz muğam gecəsi təşkil olunub https://tacikistangazetesi.com/madridd%c9%99-%c9%99srar%c9%99ngiz-mugam-gec%c9%99si-t%c9%99skil-olunub-h37471.html Fri, 18 Nov 2022 19:59:52 +0000 https://1453kralmedya.com/madridd%c9%99-%c9%99srar%c9%99ngiz-mugam-gec%c9%99si-t%c9%99skil-olunub-h37471.html

 

 

 

Madriddə əsrarəngiz muğam gecəsi təşkil olunub
2022

Madriddə əsrarəngiz muğam gecəsi təşkil olunub
İspaniyanın paytaxtı Madriddə “Şuşa ili” çərçivəsində Azərbaycan muğamı konserti keçirilib.

 

Azərbaycanın bu ölkədəki səfirliyinin, Qeyri-Hökumət Təşkilatlarına Dövlət Dəstəyi Agentliyinin və Xan Şuşinski Fondunun birgə təşkilatçılığı ilə baş tutan tədbirdə İspaniya rəsmiləri, diplomatik korpusun, elm və mədəniyyət çevrələrinin, yerli kütləvi informasiya vasitələrinin nümayəndələri və Azərbaycan icmasının üzvləri iştirak ediblər.

 

Konsert öncəsi çıxış edən Azərbaycanın İspaniyadakı fövqəladə və səlahiyyətli səfiri Ramiz Həsənov bildirib ki, Prezident İlham Əliyevin müvafiq Sərəncamı ilə 2022-ci il ölkəmizdə “Şuşa ili” elan edilib. Təməli 1752-ci ildə Qarabağ xanı Pənahəli xan tərəfindən qoyulan və bu il 270 illiyi qeyd olunan Şuşa şəhərinin Azərbaycanın mədəni və ictimai-siyasi həyatında xüsusi rol oynadığı, hazırda ölkəmizin mədəniyyət paytaxtı statusuna malik olduğu nəzərə çatdırılıb. Bütün bölgələrimizdə, o cümlədən vaxtilə “Qafqazın Konservatoriyası” adlandırılan Şuşada geniş yayılan Azərbaycan muğam janrının mədəniyyətimizin, ənənələrimizin yaşadılmasında və dilimizin saflığının qorunmasındakı əhəmiyyətindən bəhs edilib.

 

Konsertdə Azərbaycanın xalq artisti Mənsum İbrahimovun rəhbərliyi ilə “Qarabağ” muğam qrupunun üzvləri – xalq artisti Elçin Həşimov (tar), əməkdar artist Elnur Əhmədov (kamança) və əməkdar artist Kamran Kərimov (nağara) çıxış ediblər. Azərbaycan muğamlarından və xalq mahnılarından ibarət konsert proqramı maraqla və alqışlarla qarşılanıb.

 

Tədbir çərçivəsində tamaşaçılara Azərbaycan muğamlarından bəhs edən bukletlər və “Şuşa ili” ilə bağlı İspaniyanın Dövlət Poçt və Teleqraf Cəmiyyəti tərəfindən nəşr olunmuş xüsusi poçt markaları paylanıb. Poşt markalrının üzərində Şuşa qalasının və dövlət bayrağımızın təsvirləri əks olunub.

FOTO QALEREYA

 

 

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/madridde-esrarengiz-mugam-gecesi-teskil-olunub-1950

 

 

]]>