İstanbul şəhərində – Tacikistan Gazetesi

Türkiyə Azərbaycan Dərnəkləri Federasiyasının hesabat-seçki qurultayı keçirilib

Sat, 18 Jan 2025 15:22:27 +0000

Türkiyənin İstanbul şəhərində Türkiyə Azərbaycan Dərnəkləri Federasiyasının (TADEF) VII hesabat-seçki qurultayı keçirilib.

İki gün davam edən qurultayda TADEF-ə üzv olan 24 dərnəyi təmsil edən 106 nümayəndədən 90 nəfəri istirak edib. 24 dərnəkdən 5-i İstanbul, 3-üQars, 3-ü Ankara, 2-si Adana, 2-si Kocaeli şəhərlərini, Eskişehir, Bilecik, Karabük, Antalya, Ədirnə, Hatay, Balıkəsir, Manisa va İzmir şəhərlərinin hər birini isə bir dərnək təmsil edib.

Azərbaycan və Türkiyənin dövlət himnlərinin səsləndirilməsi ilə başlayan tədbirdə iki qardaş ölkənin azadlığı və müstəqilliyi uğrunda canından keçən əziz şəhidlərimizin xatirəsi anılıb.

Daha sonra TADEF rəhbərliyinin hesabatı dinlənilib, federasiyanın nizamnaməsinə əlavə və dəyişikliklər layihəsi səsə qoyularaq qəbul edilib. Qurumun yeni İdarə Heyəti və digər seçkili qurumları formalaşdırılıb. İş adamı Ədalət Turan yekdiliklə yenidən növbəti müddətə TADEF rəhbəri seçilib.Çıxışlarda Azərbaycan diaspor təşkilatlarının öz fəaliyyətlərində Türkiyə və Azərbaycan prezidentləri Rəcəb Tayyib Ərdoğan və İlham Əliyevin diqqət və qayğısını hiss etdikləri vurğulanıb, Türk Dünyasının birliyi naminə iki qardaş ölkənin başçılarının siyasətinə dəstək ifadə olunub.

Qurultaydan sonra TADEF-in yeni İdarə Heyətinin toplantısı keçirilib. İclasda Diasporla iş üzrə Dövlət Komitəsinin sədri Fuad Muradov, Türkiyə Böyük Millət Məclisinin deputatı, Milliyyətçi Hərəkat Partiyasınınsədr müavini İlyas Topsakal da iştirak ediblər. Komitə sədri çıxışında qurultayın uğurla baş tutması münasibətilə TADEF-ə üzv olan dərnəklərin üzvlərini təbrik edib, yeni seçilmiş İdarə Heyətinə fəaliyyətində uğurlar arzulayıb, növbəti mərhələdə qarşıda duran problemlərdən və onların həlli yollarından söz açıb. Qeyd edib ki, Azərbaycan diaspor təşkilatları öz fəaliyyətlərində Prezident İlham Əliyevin “Bizim bir ailəmiz var, o da Türk Dövlətləri Təşkilatıdır” fikrini əsas tutmalı, Türk Dövlətləri Təşkilatına üzv olan ölkələrin diaspor təşkilatları ilə əlaqələri dərinləşdirməli və vahid platformadan çıxış etməlidirlər.

Sonda bir qrup diaspor fəalına təltif olunduqları “Diaspor fəaliyyətində xidmətə görə” medalı təqdim olunub.

Abdullah Yiğit-İstanbul

Türkiyə Azərbaycan Dərnəkləri Federasiyasının hesabat-seçki qurultayı keçirilib

Abdullah Yiğit — Sat, 18 Jan 2025 14:38:30 +0000

Türkiyənin İstanbul şəhərində Türkiyə Azərbaycan Dərnəkləri Federasiyasının (TADEF) VII hesabat-seçki qurultayı keçirilib.

Sonda bir qrup diaspor fəalına təltif olunduqları “Diaspor fəaliyyətində xidmətə görə” medalı təqdim olunub.

Abdullah Yiğit-İstanbul

İstanbul şəhərində “Biz birlikdə güclüyük” adlı sərgi açılıb

Abdullah Yiğit — Fri, 26 Jan 2024 13:39:47 +0000

İstanbul şəhərində “Biz birlikdə güclüyük” adlı sərgi açılıb

2024

İstanbul şəhərində “Biz birlikdə güclüyük” adlı sərgi açılıb
İstanbul şəhərinin Ümraniyə Bələdiyyəsinin Kültür Mərkəzində azərbaycanlı sənətkarların əl işlərindən ibarət “Biz birlikdə güclüyük!” adlı Azərbaycanla həmrəylik sərgisinin açılış mərasimi keçirilib.

İstanbulun Ümraniye Bələdiyyəsinin, “Xarı bülbül” Azərbaycan Vizyon Teatr Dərnəyinin, İnsan Haqları, Təhsil, Mədəniyyət və Həmrəylik Dərnəyinin birgə təşkilatçılığı ilə baş tutan açılış məraimində yerli dövlət orqanlarının, Azərbaycanın İstanbuldakı Baş konsulluğunun, Diasporla İş üzrə Dövlət Komitəsinin, Azərbaycan Diasporuna Dəstək Fondunun əməkdaşları, sənətsevərlər, qonaqlar, qardaş ölkədə yaşayan və fəaliyyət göstərən həmvətənlərimiz iştirak ediblər.

Sərginin açılışından sonra tədbiri giriş sözü ilə açan Ümraniye Bələdiyyəsinin sədri İsmet Yıldırım bildirib ki, ölkələrimiz arasındaki qədim tarixi bağlar ildən-ilə möhkəmlənir və artıq Azərbaycanla Türkiyə dünyada birgə addımlayır. Müasir Azərbaycan dövlətinin qurucusu Heydər Əliyevin “Bir millət, iki dövlət” kəlamını və 44 günlük Vətən müharibəsini xatırladan bələdiyyə sədri Qarabağdakı parlaq Zəfərimizi bütün türk dünyasının qüruru kimi qiymətləndirib. O, çıxışını görkəmli şairimiz Bəxtiyar Vahabzadənin “Azərbaycan-Türkiyə” şeirindən misraları səsləndirməklə tamamlayıb.

Ümraniye kaymakamı Abdulaziz Aydın çıxışında iki qardaş ölkə arasında keçmişdən gələcəyə uzanan qardaşlıq və birliyin növbəti nümunəsi kimi Azərbaycan Prezidenti İlham Əliyevin “Azərbaycan Respublikası Hökuməti ilə Türkiyə Respublikası Hökuməti arasında mədəniyyət sahəsində əməkdaşlığa dair Saziş”in təsdiq edilməsi haqqında 25 dekabr 2023-cü il tarixli Fərmanının mədəni əlaqələrimizin daha da dərinləşməsinə töhfə verəcəyini, Azərbaycanın Türkiyə üçün qan qardaşı olduğunu bildirib.

Tədbirdə “Xarı bülbül” Azərbaycan Vizyon Teatr Dərnəyinin rəhbəri Kəmalə Cabbarova, İnsan Haqları, Təhsil, Mədəniyyət və Həmrəylik Dərnəyinin sədri Məhşəti Şərif çıxış ediblər.

Diasporla İş üzrə Dövlət Komitəsinin əməkdaşı Kənan Məmmədov iki ölkə arasında əməkdaşlığın bütün sahələr, o cümlədən mədəniyyət və incəsənət sahələri üzrə inkişafından danışıb. Bu tədbiri həmin əməkdaşlığın bariz nümunəsi adlandırıb, Azərbaycan dövlətinin Türkiyədə yaşayan soydaşlarımızın mədəniyyət və incəsənət sahələrinə bəxş etdikləri töhfələri yüksək qiymətləndirdiyini, Komitənin bu istiqamətdə həyata keçirdyi layihələri diqqətə çatdırıb.

Sonra Türkiyə-Azərbaycan Dərnəkləri Federasiyasının (TADEF) İdarə Heyəti sədrinin müavini, 7 fevral 2024-cü il tarixli növbədənkənar Prezident seçkiləri ilə əlaqədar yaradılmış “BİZ – Zəfər yoluna davam” təşəbbüs qrupunun Türkiyə üzrə koordinatoru Pərviz Məmmədzadə diaspor təşkilatları adından qardaş ölkədə yaşayan səsvemə hüququ olan Azərbaycan vətəndaşlarına müraciəti səsləndirib. Müraciətdə Türkiyədə yaşayan həmvətənlərimiz seçkilərdə fəal iştirak etməyə çağırılıb.

Tədbir böyük qələbəmizin, Prezident İlham Əliyevin xalqımızın və dünya azərbaycanlılarının böyük rəğbətini qazanmış fikirlərinin, xaricdəki diasporumuzun Vətən müharibəsi və sonrakı dövrdə fəaliyyətinin əks olunduğu videoçarxın nümayişi ilə davam etdirilib.

Mərasim Azərbaycan və Türkiyə musiqilərindən ibarət konsert proqramı ilə başa çatıb.

Qeyd edək ki, Azərbaycan Rəssamlar İttifaqının üzvləri Letafet Refik, Tariyel Əlizadə, Aynur Novruzova, müniatür sənətçisi Pərinisə Əskərova, əl işləri sənətçiləri Fatma Abdal və Səadət Qasımovanın əsərlərinin nümayiş etdirildiyi sərgi fevralın 2-dək davam edəcək.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/istanbul-seherinde-biz-birlikde-gucluyuk-adli-sergi-acilib-4124

1990-cı illərdən etibarən Türkiyə Respublikasına (İstanbul şəhərində) mühacirət etmiş və hazırda orada qeyri-qanuni yaşayan Azərbaycan Respublikası vətəndaşlarının nəzərinə!

Abdullah Yiğit — Tue, 05 Dec 2023 07:32:36 +0000

1990-cı illərdən etibarən Türkiyə Respublikasına (İstanbul şəhərində) mühacirət etmiş və hazırda orada qeyri-qanuni yaşayan Azərbaycan Respublikası vətəndaşlarının nəzərinə!

, 2023
1990-cı illərdən etibarən Türkiyə Respublikasına (İstanbul şəhərində) mühacirət etmiş və hazırda orada qeyri-qanuni yaşayan Azərbaycan Respublikası vətəndaşlarının nəzərinə!
9-20 dekabr tarixlərində Azərbaycan Respublikasının İstanbul şəhərindəki Baş Konsulluğunun binasında Türkiyə Respublikasının İstanbul şəhərində qeyri-qanuni yaşayan vətəndaşların qəbulu keçiriləcəkdir.

Qəbul zamanı pasport, vətəndaşlıq vəziyyəti aktlarının qeydi ilə bağlı şəhadətnamələrin (doğum haqqında şəhadətnamə, nikah haqqında şəhadətnamə və s.) verilməsi və digər konsulluq əməliyyatlarının həyata keçirilməsi nəzərdə tutulur.

Pasportların rəsmiləşdirilməsi üçün aşağıdakı sənədlər təqdim edilməlidir:

1. Vaxtı bitmiş şəxsiyyət vəsiqəsinin və ya ümumvətəndaş pasportunun əsli və surəti (olduğu təqdirdə);

2. Doğum haqqında şəhadətnamənin surəti (olduğu təqdirdə);

3. Doğum haqqında şəhadətnamə (18 yaşına çatmayan uşaqlar üçün);

4. Türkiyə ərazisində müvəqqəti və ya daimi yaşadığını təsdiq edən sənəd (oturum) (olduğu təqdirdə).

Vətəndaşlıq mənsubiyyətinin müəyyən olunması üçün aşağıdakı sənədlər təqdim edilməlidir:

1. Doğum haqqında şəhadətnamənin surəti;

2. Valideynlərin pasport, şəxsiyyət vəsiqəsi və digər şəxsiyyəti təsdiq edən sənədlərinin surəti.

QEYD: Sənədləri olmayan şəxslərlə bağlı valideynlik hüquqlarının müəyyənləşdirilməsi məqsədilə yerində DNT analizlərinin həyata keçirilməsi nəzərdə tutulmuşdur.

Nikahın bağlanmasının qeydə alınması üçün aşağıdakı sənədlər təqdim edilməlidir:

1. Etibarlı ümumvətəndaş pasportunun/şəxsiyyət vəsiqələrin surəti;

2. Subaylıq haqqında arayış;

3. Nikahın bağlanması haqqında tərəflərin ərizəsi;

4. Doğum haqqında şəhadətnamənin surəti;

5. Türkiyə ərazisində müvəqqəti və ya daimi yaşadığını təsdiq edən sənəd (oturum) (olduğu təqdirdə);

6. Tibbi müayinədən keçdiyini təsdiq edən şəkilli arayış (apostil olunmuş);

7. Dövlət rüsumunun ödənilməsi barədə sənəd.

Doğum qeydə alınması üçün tələb olunan sənədlər:

1. Doğum faktını təsdiq edən xəstəxanadan arayış (apostil olunmuş);

2. Valideynlərin ərizəsi;

3. Doğumdan bir ay keçibsə sağlamliq haqqinda arayiş (əsli);

4. Valideynlərin etibarlı şəxsiyyət vəsiqəsi/pasportlarının surətləri;

5. Valideyinlərin doğum şəhadətnaməsi- surətləri;

6. Valideyinlərin nikah haqqında şəhadətnaməsi – surəti (olduğu təqdirdə).

QEYD: Türkiyə Respublikasında doğumu qeydə alınmış (müvafiq qaydada tərtib olunmuş Doğum Kayıt Örneği – Formül A-ya malik) şəxslərə şamil olunmur.

Fərdi İdentifikasiya Nömrələrinin (FİN) alınması üçün aşağıdakı sənədlər təqdim edilməlidir:

1. Ərizə (yetkinlik yaşına çatmayanlar üçün valideynləri tərəfindən yazılır);

2. Pasportlarının surəti;

3. Doğum haqqında şəhadətnamənin surəti (Formul A-Doğum Kayıt Örneği).

Qəbul vaxtları:

Şənbə və bazar günləri: 10.00-18.00

İş günləri: 16.00-19.00

Əlaqə: +90 850 800 0515,

+90 506 595 3240

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/1990-ci-illerden-etibaren-turkiye-respublikasina-istanbul-seherinde-muhaciret-etmis-ve-hazirda-orada-qeyri-qanuni-yasayan-azerbaycan-respublikasi-vetendaslarinin-nezerine-3877