Komitə sədrinin birinci müavini Kayseri rəsmiləri ilə görüşüb

4 noyabr, 2022

Komitə sədrinin birinci müavini Kayseri rəsmiləri ilə görüşüb

Türkiyədə səfərdə olan Diasporla İş üzrə Dövlət Komitəsi sədrinin birinci müavini Valeh Hacıyevin Kayseri şəhərinin Talas bələdiyyəsinin sədri Mustafa Yalçın və Kayseri Universitetinin rektoru Prof.Dr. Kurtuluş Karamustafa ilə görüşləri keçirilib.

 

Talas bələdiyyəsində və Kayseri Universitetində baş tutan görüşlər zamanı bütün dünyaya nümunə olan Azərbaycan-Türkiyə münasibətlərindən, 44 günlük Vətən müharibəsində əldə olunmuş parlaq Zəfərdən, Diasporla İş üzrə Dövlət Komitəsinin fəaliyyət istiqamətlərindən və Kayseri şəhərində Azərbaycan icmasının həyata keçirdiyi layihələrdən bəhs edilib.

 

Sonra Diasporla İş üzrə Dövlət Komitəsinin adından Azərbaycanın Qarabağdakı Zəfərinin rəmzi olan hədiyyələr təqdim edilib.

 

Qeyd edək ki, görüşlərdə Azərbaycan-Türkiyə Təhsil, Mədəniyyət və Yardımlaşma Dərnəyinin həmtəsisçisi və fəxri prezidenti Nəcəf Qənbərov da iştirak edib.

FOTO QALEREYA

 

 

 

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/komite-sedrinin-birinci-muavini-kayseri-resmileri-ile-gorusub-1831?fbclid=IwAR0DzGMw7JLN12teBYkO0HEK9rPbizCTQ5AttbphazHXBm_AStAdrxQD0O0

http://diaspor.gov.az/az/news-detail/komite-sedrinin-birinci-muavini-kayseri-resmileri-ile-gorusub-1831